POWERtalk á Íslandi

Landsþing 2012

Mánudagur, 06 Febrúar 2012 13:04

rsz_img_0019 Landsþing POWERtalk á Íslandi dagana 4 og 5. mai n.k. verður haldið á Nauthól.
Kæru félagar takið dagana frá því það eru aðeins 3 mánuðir til stefnu og þeir eru fljótir að líða.

Nauthóll er staðsettur á Nauthólsveg 106, við ströndina í Nauthólsvík.

Nauthóll nýtur sérstöðu sem fáir staðir á höfuðborgarsvæðinu geta státað af en hann býr að frábærri staðsetningu í nágrenni við helstu útivistarperlur höfuðborgarsvæðisins, Nauthólsvík og Öskjuhlíð. Þeirri nálægð fylgir ósjálfrátt einhver bjartur, heilnæmur og fallegur andi. Og verður lögð sérstök áhersla á létt og notalegt andrúmsloft á þinginu.

Gæðastundir og betri samskipti

Fimmtudagur, 02 Febrúar 2012 11:16

Undirbúningur fyrir síðari fræðslufund vetrarins er nú í fullum gangi, en fundurinn ber yfirskriftina „gæðastundir og betri samskipti“. Yfirskriftin tengist dagskrá fundarins en m.a. verða vinnustofur um tímastjórnun og samskipti ásamt fræðslu um góð tölvupóstssamskipti. Auk þess hefur verið bryddað uppá þeirri nýbreytni að úthluta verkefnum til þeirra deilda sem funda tvisvar í mánuði. Til flutningsins fá deildirnar 15 mín. til að fræða gesti fundarins og getað túlkað efnið á hvern þann hátt sem þeim dettur í hug. Þessi nýbreytni hefur mælst vel fyrir og verður spennandi að sjá hvað deildirnar bjóða uppá. Þar sem allt er leyfilegt í þessu verkefni má alveg gera ráð fyrir glærukynningum, söng, dansi og þess vegna leikþáttum svo eitthvað sé nefnt, en hugmyndaauðgi félaga eru engin takmörk sett.

Fundurinn verður haldin í glæsilegum salarkynnum safnaðarheimilis Guðríðarkirkju við Kirkjustétt 18 í Grafarholti. Móttaka gesta og skráning hefst kl. 9:30 og verður fundur settur kl. 10 og stendur til kl. 16. Verð fyrir POWERtalk félagar er aðeins kr. 3000 og innifalið eru öll sú fræðsla og skemmtun sem félagar bjóða uppá ásamt léttum hádegisverði og kaffiveitingum.

Skráning er hafin í öllum deildum og stefnir allt í góða þátttöku, enda segir máltækið „fegurð sækir í fegurð“. Þeir félagar sem búa svo vel að eiga gjafakort samtakanna eru hvattir til að muna eftir að nota þau og koma með á fundinn.

timastjornuns Undirbúningur fyrir síðari fræðslufund vetrarins er nú í fullum gangi, en fundurinn ber yfirskriftina „gæðastundir og betri samskipti“. Yfirskriftin tengist dagskrá fundarins en m.a. verða vinnustofur um tímastjórnun og samskipti ásamt fræðslu um góð tölvupóstssamskipti. Auk þess hefur verið bryddað uppá þeirri nýbreytni að úthluta verkefnum til þeirra deilda sem funda tvisvar í mánuði. Til verkefnaflutningsins fá deildirnar 15 mín. til að fræða gesti fundarins og getað túlkað efnið á hvern þann hátt sem þeim dettur í hug. Þessi nýbreytni hefur mælst vel fyrir og verður spennandi að sjá hvað deildirnar bjóða uppá. Þar sem allt er leyfilegt má alveg gera ráð fyrir glærukynningum, söng, dansi og þess vegna leikþáttum svo eitthvað sé nefnt, en hugmyndaauðgi félaga eru engin takmörk sett.

Lesa meira...

Gaman saman

Sunnudagur, 29 Janúar 2012 21:04

Eitt af markmiðum Powertalk deildar Hörpu er að hafa gaman saman. Það var svo sannarlega gaman saman á 404. deildarfundi Hörpunnar þann 24. janúar. Þetta var kynningarfundur og voru 3 gestir mættir og vitið þið bara - Hörpufélögum heldur áfram að fjölga. Einn af gestum kvöldsins sótti um inngöngu í deildina. Félagar tóku honum vel og var umsóknin samþykkt einróma.

Stef fundarins var "Kemst þótt hægt fari". Hvatning var í höndum Dagrúnar Jónsdóttur, hún talaði út frá stefi fundarins. Á dagskrá var kynning á Powertalk samtökunum. Lilja Guðný Friðvinsdóttir leysti það verkefni vel af höndum. Fór hún yfir sögu samtakanna og fléttaði inn sinni reynslu og hvað samtökin hafa gert fyrir hana. Það var mjög gaman að heyra hvernig hún sagði frá persónulegum þroska sínum innan samtakanna.

Lesa meira...

Hver er þessi Korpa ?

Miðvikudagur, 01 Febrúar 2012 18:41

Korpa hélt skemmtilegan kynningarfund þann 18.janúar 2012. Dagskráin var fjölbreytt og sýndi vel hversu margvísleg verkefnin eru sem við glímum við. Hefð er fyrir því að kynna POWERtalk-samtökin á kynningarfundum en sú nýbreytni átti sér stað nú að samtökin voru kynnt með líflegri glærukynningu. Þjálfunardagskráin sýndi vel hversu miklu máli skiptir hvernig við komum texta frá okkur í mæltu máli og hvernig við æfum okkur í að rökstyðja mál okkar með litlum sem engum fyrirvara. Borðtjáningin staðfesti hugmyndaauðgi og sköpunarhæfni félaga þar sem ein mögnuð smásaga var hrist fram úr erminni á tæpum 20 mínútum. Nokkrir styttri dagskrárliðir eins og upplestur og ljóðalestur voru góð dæmi um hversu fjölbreytt verkefnin okkar eru í POWERtalk. Allir félagar sem stigu í pontu hlutu þjálfun í að tala í hljóðnema en dagskrárnefnd Korpu hefur ákveðið að hljóðnemi verði notaður á öðrum hverjum fundi það sem eftir lifir starfsárs. Þessi fundur var vel heppnaður og dæmigerður fundur þar sem fram fór þjálfun í öflugum samskiptum. Gestir eru án efa mun fróðari um hver þessi Korpa er.

Steinunn Arnars Ólafsdóttir

Dómaranámskeið

Fimmtudagur, 19 Janúar 2012 19:59

Í POWERtalk er árlega haldin ræðukeppni á milli einstaklinga í deildum og í þeirri keppni, eins og svo mörgum öðrum, er einkar hentugt að hafa dómara á staðnum til að dæma keppendur og ná fram úrslitum. Næstu tvö mánudagskvöld, þ.e. 23. og 30. janúar verður haldið dómaranámskeið fyrir POWERtalk félaga. Námskeiðið er í tveimur hlutum og hefst kl. 20 bæði kvöldin og stendur til kl. 22. Í fyrri hlutanum verður farið yfir ræðukeppnireglur, dómarablöð og fleiri atriði sem hafa ber í huga við dómgæslu og síðari hlutinn samanstendur af verklegum æfingum. Leiðbeinandi á námskeiðinu er Ingibjörg Vigfúsdóttir, Fellow of ITC.

Lesa meira...

Fleiri greinar...