POWERtalk á Íslandi

Dómaranámskeið

Fimmtudagur, 19 Janúar 2012 19:59

Í POWERtalk er árlega haldin ræðukeppni á milli einstaklinga í deildum og í þeirri keppni, eins og svo mörgum öðrum, er einkar hentugt að hafa dómara á staðnum til að dæma keppendur og ná fram úrslitum. Næstu tvö mánudagskvöld, þ.e. 23. og 30. janúar verður haldið dómaranámskeið fyrir POWERtalk félaga. Námskeiðið er í tveimur hlutum og hefst kl. 20 bæði kvöldin og stendur til kl. 22. Í fyrri hlutanum verður farið yfir ræðukeppnireglur, dómarablöð og fleiri atriði sem hafa ber í huga við dómgæslu og síðari hlutinn samanstendur af verklegum æfingum. Leiðbeinandi á námskeiðinu er Ingibjörg Vigfúsdóttir, Fellow of ITC.

Lesa meira...

Ísafold-Grand Ladies

Sunnudagur, 15 Janúar 2012 18:04

Stjórn Ísafoldar 2011-2012

Stjórn Ísafoldar Vetrarstarfið hjá Ísafold – Grand Ladies er nú hálfnað. Fimm fundir búnir og fjórir eftir. Nokkuð fækkaði hjá okkur í upphafi þessa starfsárs og eru ellefu félagar starfandi en að auki er Kristjana Milla, sem er heiðursfélagi deildarinnar og landssamtakanna, en starfar ekki vegna heilsubrests. Stjórn deilarinnar skipa Ásthildur Sigurðardóttir, forseti, Sara Elíasdóttir, varaforseti og Fanney Úlfljótsdóttir, gjaldkeri. Fundirnir hafa verið ágætlega sóttir og höfum við fengið nokkra gesti þar á meðal sótti stjórn landssamtakanna deildina heim á nóvemberfundinum. Á þeim fundi köfuðu Arnþrúður og Hildur í bókaskápinn sinn og kynntu og lásu upp úr bókum eftir Gyrði Elíasson.

Lesa meira...

Korpur kynntu bækur

Föstudagur, 13 Janúar 2012 21:04

Sérstök eftirvænting var í loftinu þegar ég mætti á Korpufund laugardaginn 7. janúar s.l. kl 11 fyrir hádegi. Fyrsti fundur á nýju ári, hádegisfundur og bókakynningar.Það er alltaf jafn spennandi hvaða bækur verða kynntar. Nú var alveg að koma að því að svarið kæmi.

Helga Jónsdóttir kynnti bókina „Málverkið“, eftir Ólaf Jóhann Ólafsson. Hún sagði frá höfundinum og því hvað hann hefur lagt mikinn tíma, rannsóknir og natni í bókina. Bókin gerist á Ítalíu í síðari heimstyrjöldinni og er örlagasaga tveggja kvenna. Að áliti Helgu er hér um mjög áhrifamikla bók að ræða.

Lesa meira...

Algengar spurningar

Föstudagur, 13 Janúar 2012 22:36

spurningamerki Þær eru ófáar spurningarnar sem við fáum um starfið í samtökunum og hér til hliðar, undir "algengar spurningar" er búið að safna þeim helstu saman og það sem meira er, það er líka búið að svara þeim. Hugsanlega er þarna svar við þinni spurningu um samtökin, en ef svo er ekki, endilega sendu okkur línu Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. og við munum svara þér um hæl.

Tökum það með trompi!

Þriðjudagur, 10 Janúar 2012 10:48

Hjartaas Til þess að hlaupa maraþon þarf maður að æfa og æfa og æfa. Svo tekur maður fyrsta skrefið og leggur af stað. Allskonar hindranir geta verið í veginum og ef við föllum þá stöndum við bara upp aftur og höldum áfram. Það sem við erum að gera í POWERtalk er alls ekki svo ósvipað! Við erum að æfa og æfa og æfa, markvissan málflutning, framkomu, skipulagningu, samvinnu, fundarstjórnun og svo ótal margt fleira. Eftir gott jólafrí eru allar deildir lagðar af stað aftur og nú er lag að kynna sér um hvað starfið snýst því kynningarfundir eru framundan í öllum deildum, eins og sést á viðburðadagatalinu hér til hægri. Við bjóðum alla hjartanlega velkomna, að sjálfsögðu að kostnaðarlausu, og tökum vel á móti gestum og skorum á þá að taka nýtt ár með trompi og ögra sjálfum sér pínulítið með þátttöku í POWERtalk.